Всемирный день писателя

              Уран-чечен сɵстʏӊ дарганнары, тɵрээн дылыныӊ кайгамчык байлаан чогаалдарында сиӊирип бижип чоруур, быжыг тура-соруктуг, могаг-шылаг  чок, чырык бодалдар-биле чалгынналган, чогаадыкчы  ажыл-ижиниӊ онзагай  чепсээ – демир-ʏжʏʏн холдан салбас буян долган чогаалчыларныӊ онзагай хʏнʏ-биле!          

      Чечен   сɵзʏӊерниӊ  кʏжʏ-биле, мерген угааныӊарныӊ ханызы-биле, уран чаяалгаӊар-биле чер-чуртувустуӊ тɵɵгʏзʏнʏӊ арыннарын аныяк-ɵскенге ажыдып, ʏлегер-чижек  болуп, чоннар аразынданайыралдыӊ    доӊун быжыглап, кайгамчык чогаалдарыӊар-биле  бисти ɵɵртʏп,  хей-аъдывысты  кɵдʏрʏп чоруур силер,   хʏндʏлʏг   чогаалчыларывыс. Номчукчуларныӊ сеткил-чурээниӊ чылыын, хʏндʏткелин, ынакшылын, мɵгейишкинин шуптуӊарга дамчыдып тур бис, чʏглʏг сɵстʏӊ  нептередикчилери! Байырлалыӊар-биле!

Бурунгаар чʏткʏлдʏг, торлуш дивес, буян долган чогаадыкчы  ажыл-ижиӊерниӊ онзагай  чепсээ – демир-ʏжʏʏӊер маӊгыр болгаш чидиг болурун  кʏзедивис!  Бʏгʏ чогаалчыларга  чаагай  быжыг кадыкшылды,  Мɵнгʏн-Тайга сыны дег бедик хей-аътты, кʏчʏлʏг  Улуг-Хемниӊ тереӊи дег ɵлчей-кежикти, аал-ораныӊарга  амыр-тайбыӊны   йɵрээдивис! Сагыш-сеткилди кезээде чырыдып, чылыдып, байыдып чоруур чогаалдар арбыдазын!  Курай! Курай! Курай!

   Бʏгʏ делегейниӊ  Чогаалчылар хʏнʏ-биле, хʏндʏлʏг чогаалчыларывыс!

                   Кызылдыӊ 9 дугаар Гимназиязыныӊ башкылары, сургуулдары, ада-иелери. Школада «Саянныӊ чаӊгызы» чечен чогаал каттыжыышкыныныӊ кежигʏннери.